Drejtoresha e Newcastle, Amanda Staveley zbuloi se fondi i PIF ‘ka biseduar me Interin’ por nuk janë të interesuar për shkak të ‘rrëmujës’ në Serie A.
Fondi i Investimeve Publike Saudite mori përsipër ‘Newcastle’ në Premier League, por ishte lidhur me një blerje të mundshme edhe në Milano.
Mediat në Itali raportojnë se fondi i investimeve saudit PIF është rikthyer në negociata për marrjen e Interit, pasi dështimi i Evergrande e vendosi Suning në një pozicion të ndërlikuar financiar.
Por Staveley, drejtori menaxhues i fondit PCP Capital Partners dhe krahu i djathtë i fondit Arab PIF, zbuloi se pronarët sauditë nuk janë më të interesuar.
“Ne folëm me Interin e Milanit, por problemi ishte se struktura e ligës ishte një rrëmujë,” tha ajo raporton ‘The Telegraph’.
Staveley beson se fondi ka investuar në ‘ligën më të madhe në botë’ dhe pranoi se ata ishin pritur mirë nga bosët e tjerë në Premier League.
“Kam shumë miq në klube të tjera,” tha ajo. “Dhe gjithashtu, kam shumë respekt për Premier League. Mendoj se kemi ligën më të madhe në botë dhe besoj në fuqinë kolektive të asaj lige.”/K.T/Gijotina.com
Discussion about this post