Një pasuri prej 2 milionë eurosh është sekuestruat sot në Tiranë nga operacioni i koduar “Milano”. Mësohet se kjo pasuri rrjedh nga veprimtaria kriminale e subjektit, i cili rezulton të jetë dënuar më parë në Itali për trafikim të lëndëve narkotike.
Sipas të dhënave, këto prona të sekuestruar i përkasin shtetasit K. M., 55 vjeç, banues në Tiranë, i dënuar nga autoritetet gjyqësore italiane për prodhim dhe shitje të lëndëve narkotike. Mësohet se 55-vjecari është ekstraduar drejt Italisë, më datë 15.03.2021, pasi është arrestuar gjatë një operacioni nga Policia e Tiranës, si person i shpallur në kërkim ndërkombëtar për veprat penale “Vjedhja në rrethana rënduese” dhe “Trafik droge”. Policia njofton se deri më tani vlera e pronave dhe pasurive të sekuestruara arrijnë në rreth 2.000.000 euro dhe bëhet fjalë për; një ndërtesë katërkatëshe, një sipërfaqe trualli, dy sipërfaqe toke (ara), një subjekt me veprimtari në fushën e prodhimit të ujit të pijshëm dhe një subjekt bar-kafe.
Sakaq, bëhet me dije se hetimet po vazhdojnë, pasi dyshohet se personi në fjalë zotëron edhe pasuri të tjera, të cilat gjithashtu janë krijuar nga para të pista dhe trafiku i lëndëve narkotike, por që mund t’i kenë regjistruar në emër të personave të tjerë.
Discussion about this post