Partia Socialiste ka hedhur poshtë akuzat e PD, e cila thotë se mazhornaca bojkotoi komisionin për shkak se ka frikë nga e vërtetat. Përmes një deklarate publike nënkryetari i Komisionit, Toni Gogu, tha se kjo nuk është aspak e vërtetë dhe është një akuzë e ulët. Ai tha se, në mbledhjen e kaluar që u zhvillua dy ditë më parë nuk u votua që Komisioni të mblidhej ditën e sotme dhe se PS kishte propozuar ditën e enjte.
Sipas tij, anëtarët e PS nuk mund të shkonin në këtë mbledhje duke qenë se nuk u njoftuan 24 orë përpara nga kryetari. “Me keqardhje vura re sot sesi zoti Alibeaj ka vazhduar shkeljen rregullores së Kuvendit dhe mirëbesimit mes palëve. Përcaktimi i mbledhjes së ardhshme të Komisionit ishte pika e fundit në rendin e ditës dhe nevojitej të votohej nga Komisioni. Në kushtet e pamundësisë së votimit nga Komisioni të kësaj pike të rendit të ditës dhe njoftimit nga sekretaria në kohë të papërshtatshme dhe të padakortësuar, ndërkohë që kemi planifikuar aktivitete në zonat elektorale, u kemi propozuar kolegeve te opozitës ta vazhdojmë mbledhjen ditën e enjte.
Në frymën e bashkërendimit të punëve dhe shërbimit në mënyrën me dinjitoze interesit qytetar, lipset që te komunikojmë, të debatojmë, e te vendosim së bashku ne frymën dhe germën e ligjit dhe jo të krijojmë furtuna në gota foltoresh”, tha Gogu.
Gjithsesi shkaku i vërtet që PS nuk u paraqit sot në komision do të zbulohet ditën e premte, ku është vendosur dhe takimi i rashës për Komisionin Hetimor, Këtë herë mazhornaca nuk mund të ankohet se nuk u njoftuan paraprakisht, pasi Enkeled Alibeaj e njoftoi datën dhe orën pak minuta më parë.
