Në shkollën ‘Musine Kokalari’ në Kombinat nuk zhvillohet mësim, për shkak të dëmeve që godina ka marrë nga tërmeti i vitit 2019, ku ndonëse nxënësit janë dërguar në një shkollë tjetër, kanë bojkotuar mësimin.
Shkak është bërë bojkoti i mësimit nga ana e nxënësve dhe prindërve të tyre të cilët ankohen për shkak se mësimi është me turne. Ata shprehen se ndërtesa e shkollës nuk është rindërtuar pas dëmeve të tërmetit të vitit 2019, ndaj u duhet që fëmijët të shkojnë në një shkollë tjetër.
“Janë 400 kalamaja këtu. E presim projektin, që të vihet në zbatim. Kërkojmë jetën e fëmijëve tanë, dhe të fillojnë dhe një herë punimet. Ne na shqetëson edhe fakti që mësimi është me turne. Sot edhe unë që vij këtu më duhet të ndërroj orare se nuk ka orare fiks. Na njoftuan se nga java e ardhshme do të jetë mësimi në orën 1”, thonë prindërit.
Discussion about this post