Ka përfunduar aventura e boksierit shqiptar Alban Beqiri në kampionatin Botëror të boksit që zhvillohet në Beograd të Serbisë. Aventura e boksierit shqiptar përfundoi me një medalje të bronztë të fituar. Beqiri nuk i’a doli të arrinte në finalen e madhe pasi u mund me pikë nga boksieri rus Vadim Musaev.
Beqiri pësoi një lëndim në dorë çka e pengoi rrugëtimin e tij në këtë kampionat Botëror të boksit deri në peshën 71 kilogramë. Musaev arriti ta mbante larg boksierin shqiptar duke siguruar me goditje nga distanca pikët që i duheshin për të siguruar praninë në finale.
Megjithatë për boksierin Alban Beqiri konsiderohet një arritje e madhe fitimi i medaljes së këtij kampionati që duhet thënë është shumë i rëndësishëm. Një arritje e madhe e një sportisti shqiptar aventura e të cilit u shoqërua me vërshëllima gjatë gjithë kohës për shkak të kombësisë së tij.
Discussion about this post