Paris Saint-Germain e do me çdo kusht trofeun e UEFA Champions League dhe pas eliminimit në këtë edicion, po shikon ndryshimet që mund të bëjë për sezonin e ardhshëm.
Sipas raportimeve të mediave vendase, klubi po mendon që të bëjë një ndryshim total në skuadër.
Përveç emrave nga kampionatet e huaja, parizienët kërkojnë që të afrojnë lojtarë nga Ligue 1 si: Khephren Thurman i Nice, Youssouf Fofana i Monaco apo edhe Rayhan Cherki i Lyon.
Megjithatë te PSG janë të vetëdijshëm se që të bëjnë të mundur afrime të tilla së pari duhet “pastruar” skuadra dhe emrat që me shumë mundësi do të “sakrifikohen”, sipas mediave franceze janë pjesa më e madhe e “legjionit të të huajve” si Lionel Messi, Neymar, Carlos Soler dhe Juan Bernat.
Discussion about this post