Mbrojtësi i Juventusit Leonardo Bonuçi ka komentuar largimin e Cristiano Ronaldos nga bardhezinjtë. Ai ka theksuar se luzitani pati një ndikim të madh në fushën e lojës por nuk mund të fitohet një ndeshje i vetëm.
“Në ekip u krijua ideja se mjaftonte prania e Ronaldos për t’i fituar ndeshjet, gjë që ishte gabim. Prania e Ronaldos në ekip, kishte ndikim të madh te ne dhe lojtarët filluan të mendojnë se me të në fushë ishte e mjaftueshme për t’i fituar ndeshjet”, ka pranuar Bonuçi. “Mirëpo, Cristiano kishte nevojë për ekipin aq sa kishim ne nevojë për të. Duket se na kushtoi shumë mendimi se duhej vetëm t’ia jepnim topin atij për të fituar”.
