Takimi i Foltores së ish kryeministrit Sali Berisha në Durrës ka nisur me 1 minutë heshtje në nderim të Dëshmorit të Atdheut, Saimir Hoxha.
Berisha dhe të gjithë demokratët pjesëmarrës mbajtën një minutë heshtje para se ish kryeministri të fillonte fjalimin e tij.
Kujtojmë se Sali Berisha deklaroi një ditë më parë se polici u vra nga narkobandat e narkoqeverisë.
Lideri historik i partisë demokratike, Sali Berisha deklaroi nga kjo Foltore, se kërkon ndjesë për shkak se nuk ishte i vëmendshëm ndaj zhvillimeve në PD gjatë këtyre viteve.
Gjatë fjalës së tij, Berisha theksoi se vjen një moment kur gabimet dhe mangësitë nuk të pengojnë më që të ngriheshin në lartësinë e kërkesave dhe pritshmërive dhe të luftoj për një parti më të bashkuar.
Ish-kryeministri Sali Berisha gjithashtu, ka hedhur akuza në drejtim të Edi Ramës dhe Lulzim Bashës sipas të cilit të dy ndajnë aferat korruptive për ndërtimin e Portit të ri të Durrësit.
Gjatë fjalës, Berisha solli në vëmendje se si vend anëtar i NATO-s, Shqipëria do duhet të konsultohet për çdo port apo aeroport që ndërton pasi janë objekte strategjike.
Berisha foli me tone të ashpra duke i’u drejtuar Edi Ramës, por edhe Lulzim BAshës. Kryeministrit aktual i bëri thirrje duke i thënë të mos luaj me fatin e shqiptarëve pasi do të ketë fatin e paraardhësve të tij, ndërkohë, një mesazh ka pasur edhe për Bashën ku ka bërë me dijë që do mbledhë një kuvend për të sanksionuar normat dhe standartet e secilit në parti.
Këtë herë Berisha u bëri thirrje delegatëve të Kuvendit Kombëtar që të mbledhin firmat për thirrjen e kongresit.
Ajo që ra në sy ishte se aktivistja Evi Kokalari, e cila ishte sërish në podium, tha se PD e ka kryetarin e saj. “Ai është Sali Berisha,” tha ajo.
Ajo hodhi akuza të rënda ndaj kryetarit të PD, Lulzim Basha duke i thënë se Basha ka akoma dosjen e hapur për cështjen e lobimit me kompaninë ruse dhe për të mbrojtur veten largoi Sali Berishën.
“Foltorja” e rradhës do të jetë në qytetin e Shkodrës, ditën e premte. Rikujtojmë, që Sali Berisha nisi këtë lëvizje në momentin që kreu aktual i PD e përjashtoi nga grupi parlamentar.
