Borussia Dormund ka arritur të triumfojë në ‘Signal Iduna Park’ në kuadër të javës së 10të të Bundesligës gjermane kundër Koln këtë fundjavë me rezultatin final 2-0.
Emra të mëdhenj të kësaj skuadre si Haaland, Gio Reynba dhe Emre Can nuk ishin pjesë e formacionit në këtë takim, por kjo nuk i ka ndaluar aspak që mos të humasin kontaktin me Bayernin kryesues të renditjes së përgjithshme.
Rasti i parë serioz në këtë takim do të ishte dhe ai i golit të avnatazhit të Dormund, ku Jude Bellingham asiston për Thorgan Hazard që shënon për ti dërguar shifrat e pjesës së parë në 1-0.
Me startin e pjesës së dytë, të zotët e shtëpisë do të dyfishonin shifrat në 2-0 falë golit të Tigges që arrin të tundë sërisht rrjetën kundërshtare.
Ky rezultat u administrua më së miri nga Borussia Dortmund, që arrin fitoren e tetë sezonale, duke ruajtur pozitat në vendin e dytë të renditjes së përgjitshhme me 24 pikë, një më pak se Bayerni kryesues.
