Këngëtarja me famë botërore Britney Spears, shkaktoi spekulime se do të shfaqej në serialin e ri të The Weeknd, “The Idol”, pasi njoftoi se sapo kishte përfunduar punën në një film me të njëjtin emër.
Këngëtarja 39-vjeçare njoftoi projektin e saj të ri në profilin e saj në Instagram këtë të martë, duke shkruar:
“Sapo xhirova një film të titulluar ‘THE IDOL’… është e garantuar që do të ketë hite dhe shumë foto të shndëritshme për t’i vendosur në fytyrat e familjes sime të bukur! Shpresoj se ju djema po kaloni një kohë të këndshme dhe me siguri që po! Nëse hesht herë pas here, mund të më kapni diku me këtë mace!”
Postimi erdhi një ditë pasi “Variety” raportoi se një serial dramatik me gjashtë episode të quajtur “The Idol” me protagonist The Weeknd është porositur nga HBO. The Weeknd do të luajë në mes të një kasti që përfshin vajzën e Johnny Depp, Lily-Rose Depp, aktorin kryesor të “Showgirls” Elizabeth Berkley dhe yllin e “Another World” Anne Heche.
Discussion about this post