Bayern Munchen rikthehet te fitoret në Bundesliga. Gjigandët bavarezë triumfuan 1-0 në ndeshjen e prapambetur ndaj Union Berlin. Me 3 pikët e marra mbrëmjen e sotme, bavarezët ngjiten në kuotën e 44 pikëve në vendin e dytë, 4 pikë më pak se Bayer Leverkusen kryesues.
Kampionët e Gjermanisë goditën gjashtë herë në pjesën e parë në portën e mbrojtur nga Ronnow, pa mundur dot të gjejnë golin.
Gjithsesi, sapo filloi fraksioni i dytë, goli i Guerreiros elektrizoi stadiumin.
Pak më pas, një gol i Kane u anulua për shkak se u konsiderua Offside.
Në këtë takim nuk mungoi as tensioni. Trajneri i Union Berlin, Nenad Bjelica kapi për fytin Leroy Sane, pasi ky i fundit dëshironte të niste shpejt një rivënie anësore.
Tekniku Belica u ndëshkua me karton të kuq në të 74-tën.
Bayern, në ndeshjen e radhës luan në transfertë ndaj Augsburg. Në krahun tjetër, Union Berlin (Vendi i 15-të) pret Darmstadt.
Discussion about this post