Ditën e djeshme Kuvendi miratoi projektligjin për dhënien me koncesion për 10 vjet të parkut të Butrintit, duke i dhënë leje ndërtimit të një rrjeti baresh dhe restorantesh në këtë park.
Ndërkohë deputeti i PS-së, Pandeli Majko ka qenë i vetmi ndër socialistët që ka abstenuar për këtë pr.ligj pasi nuk u bind as nga përgjigja e ministres se Kulturës Elva Margariti në Komision. Majko ka deklaruar më herët se planin e menaxhimit që kanë bërë ndërkombëtarët është bërë mbi bazën e vendimit të Këshillit të Ministrave të vitit 2002, ndërsa sipas tij qeveria si bazë legale të marrëveshjes ka marrë vendimin e KM të miratuar në 2022.
Ndërkohë që në radhët e grupit të PD-së, megjithëse gjatë mbledhjeve të komisioneve është kundërshtuar, një pjesë e deputetëve nuk kanë marrë pjesë në votim në këtë pikë të rendit të ditës.
Discussion about this post