SPAK po vepron me urdhra të kryeministrit Edi Rama, u shpreh deputeti demokrat Oerd Bylykbashi, duke shtuar se plani për goditjen e Sali Berishës ka filluar që prej vitit 2017.
Komentet Bylykbashi i bëri në një intervistë për Vizion+, ndërsa pas heqjes së imunitetit nga Kuvendit, ndaj ish-Kryeministrit është caktuar data 26 dhjetor, për të marrë një vendim nëse do të lihet në fuqi kërkesa e SPAK për arrest shtëpie ose jo.
“PD është qartazi në një agresion të madh. Agresioni vjen drejt për drejt nga Edi Rama. Është një plan që nga 2017. Është fillimi i provuar i korrupsioonit me lobin kundër Sali Berisës, për mosregjistrim në zgjedhje. Kjo e fundit, është akti i fundit që Rama ka marrë, duke përdorur drejtësinë.
Ne nuk e dimë se çfarë do të ndodhë e çfarë vendimi do marrë gjykata. Ajo që kërkon SPAK është e paligjshme dhe antikushtetuese. Gjykata ndoshta merr një vendim të ndryshëm”, tha Bylykbashi.
Deputeti demokrat shtoi se në mbledhjen e Këshillit Kombëtar, do të diskutohet për organizimin e partisë dhe se si do vijohet më tej.
“Kjo është mbledhja e parë e Këshillit Kombëtar pas 2 dhjetorit. Mund të vendoset që të ketë ndërhyrje për të përshtatur aspektin organizativ të partisë me këto situata. Ajo që do diskutojmë është si do vijohet më tutje për këtë situartë që është e paprecedentë.
Gjenerata e studentëve të dhjetorit shpresonte për europën dhe sot i kanë fëmijët në europë sepse këtu nuk kanë më shpresë”, shtoi Bylykbashi.
Deputeti demokrat dha edhe arsyet se përse mazhoranca kërkon arrestimin e Berishës.
“Si rregull arresti vendoset kur nje person mund të largohet. Berisha duhet të arrestohet sepse po vjen në Parlament duke mobilizuar njerëz. Njerëzit arrestohen sepse duan të prishin provat, ndërsa Berisha po nxjerr provat që ka fshehur SPAK”, shtoi Bylykbashi.
Discussion about this post