Deputeti i PD Oerd Bylykbashi ka komentuar sot në një intervistë televizive “Çadrën e PD “të ngritur në shkurt të 2017, e cila ishte një formë proteste për 3 muaj nga PD te bulevardi “Dëshmorët e Kombit”, për të kërkuar largimin e qeverisë Rama. Bylykbashi tha se kjo protestë nuk ndihmoi aspak PD dhe popullin, përkundrazi e shkatërroi atë.
Ai vazhdoi më tej, duke thënë se askush nga deputetët nuk dinte asnjë gjë për këtë aksion aq të madh, ndërsa shtoi se ishte një grup me në krye Bashën që merrte vendime politike për PD.
“Çadra e dërrmoi PD-në. Ishte një aksion shumë i madh dhe askush prej nesh nuk dinte gjë. Unë kam qenë në atë kohë kryetar dege i komanduar. Ishte një grup diku që merrte vendime për politikën e PD-së, por pa ditur PD-ja se çfarë do të bëhej. Unë nuk kuptoja se çfarë po ndodhte. Në atë moment fillova të kuptoja diçka, perceptimi i partisë si një repart ushtarak”, tha ai. Sipas tij, me ngritjen e çadrës, Basha nisi të ngrihej si figurë, ndërsa binte partia.
Discussion about this post