Futbollisti turk i Inter, Hakan Calhanoglu nuk harron thuajse në asnjë rast të tregojë mosmirënjohje ndaj ish-ekipit të tij, Milan.
Në ndeshjen e mbrëmjes të së dielës kundër Cagliarit, ‘zikaltërit’ triumfuan me shifrat 4-0 dhe kështu ia morën Milan-it kreun e tabelës së Seria A.
Autorë të golave ishin Lautaro Martinez me dy, Alexis Sanchez dhe Hakan Calhanoglu, të cilët i dhuruan super fitore skuadrës së tyre
Në fjalën e tij pas ndeshje, Calhanoglu, i cili shënoi gol fantastik, u shpreh: “Jam shumë i lumtur që jam këtu. Ndihem krenar. Dua ta falënderoj ekipin, sepse më ka ndihmuar të bëhem lojtar i rëndësishëm. Interi e nuhat cilësinë dhe kontributin tim, prandaj unë e jam më të mirën për klubin. Dua t’i falënderoj edhe tifozët, të cilët më qëndrojnë pas gjithmonë. Është nder për mua të jem këtu në Inter”,- duke harruar kështu ish-skuadrën e tij.
Kështu Inter kaloi pas kësaj fitoreje në vendin e parë me 40 pikë, i ndjekur më pas nga rivali i përjetshëm, Milan me 39 pikë, Atalanta me 37 dhe Napoli me 36./K.T/Gijotina.com
Discussion about this post