Aktorja e njohur Cameron Diaz është tronditur nga kriza shëndetësore e Jamie Foxx, i cili prej disa kohësh është i shtruar në spital.
“Ajo donte të ishte mbështetëse dhe të ndihmonte në çfarëdo mënyre,” thotë një burim për mediat.
Aktorja e “The Bad Teacher”, luan së bashku me Foxx, në filmin e ardhshëm të Netflix, Back in Action. Xhirimet për filmin, i cili shënon rikthimin e shumëpritur të Diaz në aktrim pas një pauze nëntëvjeçare, u ndërpre përkohësisht më 12 prill pas një shqetësim shëndetësor e la Foxx në spital.
Në të njëjtën ditë, vajza e aktorit, Corrinne Fox, e përshkroi rastin si një “komplikacion mjekësor”, duke shtuar: “për fat, për shkak të veprimeve të shpejta dhe kujdesit të madh, ai tashmë është në rrugën e tij drejt shërimit”.
”Pagesix‘ raporton se një anëtar i familjes tha se Foxx “po shërohet”, por gjithashtu zbulon shqetësimin brenda Hollivudit se heshtja që rrethon Foxx mund të ndikojë në karrierën e tij të ardhshme.
Fati i filmit të tij të ri në Netflix “Back in Action” është gjithashtu në dyshim, nëse do vijojë apo jo.
Ajo që dihet është se Foxx ka qenë duke u rikuperuar në një klinikë në Çikago që është e specializuar në shërimin e goditjes në tru.
Discussion about this post