Avokati i njohur Altin Goxhaj ka treguar sot gjatë një interviste televizive se, protesta e ditës së martë në orën 17:00 do të jetë shumë e veçantë. Sipas tij, qeveria që ka nxjerrë vendimin për vaksinim e detyrim do të ndikohet nga kjo protestë, madje paralajmëroi se një ditë kabineti qeveritarë do të dalë para drejtësisë.
“Protesta e ditës së martë në orën 17:00 do të jetë shumë e veçantë, një gjyq publik që do të bëjë që të gjithë rektorët. Kemi marrë fjalët e Lady Makbeth. Ne me këtë video do t’ua vrasim gjumin këtyre njerëzve. Do ti bëjmë që çdo natë kur të shtrihen të dridhen. Kur të zgjohen në mëngjes të zgjohen me ankthin që prindërit shqiptarë do t’i vrasin kur t’u vriten fëmijët e tyre. Do të jetojnë me frikën që një ditë do trokitet në derën e tyre nga policët që do ti marrin e ti çojnë në burg për krime kundër njerëzimit. Këta mund të jenë në pension në moshën që do t’i marrin, por është e sigurt që do të vijnë policë që do ti marrin dhe t’i çojnë në bankën e të akuzuarve”, u shpreh ai.
Sipas avokatit, ka shumë gjasa që një ditë pas protestës të ndryshohet vendimi për vaksinim me detyrim. “Ditën e martë në orën pesë do ishte mirë që çdo shqiptarë ta shoh live. Do e mësojnë të gjithë rektorët dhe dekanët. Jam i bindur se një ditë më vonë, konkretisht të mërkurën do heqin dorë nga ky plan i bërë nga elitat botërore që zgjat deri në 2030”, tha Goxhaj.
Që nga momenti që Ministria e Shëndetësisë vendosi si kush vaksinimin për studentët që duan të shkojnë në auditorë, disa studentët nën drejtimin e Goxhaj kanë dalë në protesta të vazhdueshme për rrëzimin e vendimit.
