Çekia, fitore të mundimshme me Ishujt Faroe. Shaqiri e Xhaka i shpëtojnë fytyrën Zvicrës

Çekia ka mundur me rezultatin minimal Ishujt faroe, duke marrë 3-pikë të vlefshme për kualifikueset në Euro2024.

Soucek realizoi golin e vetëm të takimit në minutën e 76, edhe pse çekët kërkuan me ngulm avantazhin.

Soucek realizoi golin e fitores me një 11-metërsh, duke mbajtur ekipin çek në vendin e dytë me 11 pikë, dy më shumë se kombëtarja Polake dhe dy më pak se Shqipëria, e cila kryeson Grupin E.

Zvicra-Bjellorusi

Ndërkohë, Zvicra nuk ka shkuar më larg se një barazim 3-3 përballë Bjellorusisë, edhe pse zviceranët kaluan të parët në avantazh me një supergol të Xherdan Shaqirit në minutën e 28 të takimit.

Por në pjesën e dytë, bjellorusët kanë bërë të paimagjinueshmen teksa shënuan 3 herë në portën e zviceranëve duke i çuar shifrat në 1-3.

Deri në minutën e 89-të Bjellorusia ka kryesuar në shifrat 1:3. Por Zvicra zgjohet, pasi në minutën e 89’ dhe të 90’ shënon dy gola të shpejtë duke e çuar rezultatin në barazim. Me një pikë të fituar ditën e sotme, Zvicra shkon në 15 pikë, në vendin e parë, por një fitore e Rumanisë në mbrëmje, do ta dërgonte në vendin e dytë.

Në minutën e 61-të, futbollisti Maks Ebong ka shënuar me kokë për rezultatin 1:1. Mbrojtja e Zvicrës e ka harruar Maks Ebongun dhe ky nuk i fali zviceranët.

Në minutën e 67-të, Amdouni në rast ideal por nga afërsia nuk e mposht portierin Ignatoviq.

Pas dy minutave (69’) ndodhi çudia, mbrojtja në gjumë e Zvicrës, Denis Polyakov ka shënuar me kokë në pjesën e epërme të majtë, 1:2 për Bjellorusinë.

Në minutën e 84-të, Dmitri Antilevski i shmanget mbrojtjes dhe shënon për 1.3.

Goli  tij u desh të vërtetohet nga sistemi VAR.

Në minutën e 89-të, Xherdan Shaqiri nga goditja e dënimit ka asistuar për bukuri dhe Manuel Akanji ka realizuar nga afërsia, 2:3.

Në minutën e 90-të, Zeki Amdouni ka barazuar rezultatin 3:3 pas asistimit të kapitenit Xhaka.

Së pari topi godet traversën e kthehet sërish të Amdouni dhe barazohet rezultati 3:3.

Në minutën e 90+5. Shaqiri godet nga rreth 20 metra, topi kalon portierin por një mbrojtës me kokë heq topin nga vija fatale.