Kombëtarja e Shqipërisë ka përfunduar fushatën e kualifikueseve të kampionatit Botëror Katar 2022 në vendin e tretë në grupin I në kuotën e 18 pikëve si kurrë më parë duke vendosur një rekord historik në të tilla nivele. Kuqezinjtë mundën me shumë vështirësi kombëtaren e Andorras me shifrat 1-0 falë penalltisë së shndërruar në gol nga mesfushori Endri Çekiçi.
Futbollisti i kombëtares vulosi fatet e takimit të zhvilluar në “Air Albania”, një sfidë e cila nuk mund të zgjidhej ndryshe për shkak se sulmuesit e përfaqësueses shqiptare nuk i’a dolën të zgjidhnin ndeshjen me rastet e krijuara.
Taulant Seferi pati një shans të artë sikurse edhe Ramadani apo Bajrami të cilët gabuan në momentet finale. Roshi ishte i pafat në pjesën e parë pasi goditja e tij u ndal nga shtylla.
Shqipëria kontrolloi lojën por i’a doli të fitonte me një gol të vetëm përballë një ekipi modest që luante vetëm për prestigj. Sidoqoftë e rëndësishme është fitorja që e dërgon Shqipërinë në vendin e tretë në këto kualifikuese të kampionatit Botëror duke lënë pas një kundërshtar të madh si Hungaria.
Discussion about this post