Presidenti Bajram Begaj, në një intervistë për Zërin e Amerikës, ndërsa ndodhet në SHBA, ka folur për çështjen Beleri, kryebashkiakut të zgjedhur të Himarës, i cili prej 12 majit ndodhet në paraburgim, me akuzën e blerjes së votave.
Begaj tha se kjo çështje nuk është në dorën e Presidentit dhe duhet të lëmë drejtësinë të bëjë punën e vet.
“Marrëdhëniet e Shqipërisë me Greqinë janë marrëdhëniet e një partneriteti strategjik, bazohen në vlerat më të mira të fqinjësisë dhe respektit mes njeri-tjetrin.
E kam pritur në zyrën time kryeministrin e Greqisë, kemi diskutuar për çështje të reja dhe të vjetra.
Kjo çështje nuk është në dorën e presidentit, ka lidhje me drejtësinë. Të lëmë drejtësinë të bëjë punën e vet.
Mendoj se drejtësia pas reformës së bërë me konsensus politik është në rrugën e duhur dhe është e pavarur”, tha Begaj.
Discussion about this post