Çfarë e pengon vaksiminin?!

Nga Irena Beqiraj

Jemi shumë të shkolluar dhe shumë të polarizuar për tu vaksinaur më vullnet të lirë.Sado ironik t’ju duket ky këndveshtrim, besimi tek njohuritë e certifikuara me diploma ( pavarësisht vlerës së tyre ) edhe polarizimi politik ekstrem, janë përcaktuesit bazë të sjelljes ndaj vaksinës.Së pari njerëzit i besojnë informacionit të rremë jo sepse domosdoshmërisht janë injorantë. Ka shumë faktorë që ndikojnë , por shumica e studiuesve pajtohen me faktin që besimi tek keqinformimi nuk ka të bëjë me sasinë e njohurive që një person zotëron. Një studim i publikuar në vitin 2017 i Caitlin Drummond and Baruch Fischhoff ka treguar se njerëzit që mendojnë se zotërojnë njohuri dhe arsimim më të madh shkencor kanë më shumë gjasa të mbrojnë besimet e tyre të polarizuara për shkak të “shqetësimeve të tyre joshkencore”. E pra sa më shumë “të shkolluar” të jemi aq më shumë mundësi kemi të disinformohemi, dhe të shperndajmë disiformacion. Së dyti polarizimi politik, është një elemet tjetër i cili nxit përhapjen e informacioneve të rreme. Në mjediset e polarizuara politike përhapja e dizinformacionin sërisht nuk ka lidhje me nivelin e njohurive por me faktin që informacioni interpretohet në mënyrë të tillë që përputhet me identitetin partizan. Lentja “ne kundër tyre” bën që pjesë të ndryshme të informacionit që marrin njerëzit te përpunohen në mënyrën që i përshtatet botëkuptimit të tyre partiak. Përdorimi politik i komitetetit të ekspertëve, apo procesit të vaksiminit nga qeveria, nxiti mosbesimin tek cdo infommacion edhe shkencor që mund të lidhej me pandeminë .Ndërkohë sot e kam të pamundur të gjej qoftë edhe një thirrje të vetme nga politikanët e opozitës për të nxitur vaksinimin. Nga një anketë e vogël personale kam arritur në konkluzionin se antarët dhe mbeshtetësit e partisë socialiste në pushtet besojnë dhe janë të vaksinuar. Ndërsa e kundërta ndodh me simpatizantët edhe antarët e partive opozitare të cilët mosbesimin tek qeveria e shtrijnë pa ekujvok edhe tek vaksinat e Covid-it.Ps. Sot Kryeministri u vaksinua per here te trete publikisht , nderkohe qe nje tjeter antare e komitetit te eksperteve u shperblye politikisht , dy veprime te vogla qe “pengojne” vaksinimin.