Mbrëmjen e sotme u mësuan tre emrat e parë që janë kualifikuar për në fazën e grupeve të UEFA Champions League.
Kështu, Galatasaray, Young Boys dhe Sporting Clube de Braga janë 3 skuadrat që arritën të siguronin mbrëmjen e sotme kualifikimin për në fazën e grupeve të Champions-it.
Për sa i përket rezultateve, klubi nga Stambolli mposhti në shtëpi Molden me rezultatin 2-1. Golin e parë për turqit e shënoi Icardi me penallti, ndërkohë që miqtë barazuan me Hestad në minutën e 66-të, për golin e fitores mendoi spanjolli Anxhelino në minutën e 93’. Vlen të theksohet fakti se edhe në duelin e parë, ishin turqit që fituan me rezultatin 2-3.
Fitore me mjaft vlerë edhe për portugezët e Bragës, që ia dolën në transfertën greke, ndaj Panathinaikosit, duke triumfuar me rezultatin 0-1, falë golit të Brumës në minutën e 83-të. Rezultati global mes portugezëve dhe helenëve u fiksua në tre me një.
Triumf më bindës mbrëmjen e sotme, arriti skuadra zvicerane e Young Boys. Pas barazimit pa gola në ndeshjen pare ndaj Makabi Haifa, kampionët e Zvicrës, nuk falën në shtëpi, duke fituar me rezultatin 3-0.
Discussion about this post