Mbrëmja e sotme rikthen emocionet e Champions League. Duele mjaft interesante janë në program për t’u zhvilluar ditën e sotme, ku 8 ekipe do të bëjnë mes tyre llogaritë e ndeshjes së kthimit të fazës “Play-Off”.
Spektakli mbrëmjen e sotme do të nisë me sfidën mes Milan dhe Feyenoord në orën 18:45. Një sfidë mjaft interesante dhe e luftuar, ku kuqezinjtë do të tentojnë përmbysjen e rezultatit të parë për të siguruar kualifikimin në fazën tjetër të Champions League. Kujtomë se skuadra holandeze ka fituar 1-0 në sfidën e parë mes tyre.
Në orën 21:00 do të luhen paralelisht 3 ndeshje.Atalanta do të presë në shtëpi Club Brugge KV me takimin e parë mes tyre që ka përfunduar 2-1 për ekipin belg. Berat Gjimshiti do të tentojë me skuadrën e tij të përmbysë rezultatin e parë për të siguruar biletën për në fazën tjetër.
Dueli tjetër është mes Bayern Munich dhe Celtic. Bavarezët kanë triumfuar 2-1 në duelin e parë dhe ditën e sotme do të tentojnë të ruajnë rezultatin për të kaluar në fazën e 1/8-ave të Champions. Ndërkohë interesante është edhe sfida mes Benficas dhe Monacos. Dueli i parë mes tyre ka përfunduar në favor të skuadrës portugeze.
Discussion about this post