Në parim, ish-mesfushori i Stamford Bridge do të sigurojë një rol të përkohshëm deri në fund të këtij sezoni, kur Chelsea pritet të gjejë një trajner të ri.
ESPN shkruan se londinezët po planifikojnë një ‘grusht shteti’ të vërtetë dhe po mendojnë të rikthejnë Carlo Ancelottin, i cili ishte trajner te Chelsea dhe arriti të fitonte një titull në sezonin 2009-2010.
Emri i Ancelottit së fundmi është lidhur me punën e trajnerit të Brazilit, por italiani ka deklaruar vazhdimisht në daljet e tij publike, se dëshiron të qëndrojë te Real Madrid, klubi me të cilin fitoi Champions League sezonin e kaluar.
Chelsea do të ishte sfida e tretë e Ancelottit në Premier League. Para se të merrte Real Madridin, tekniku stërviti Everton midis dhjetorit 2019 dhe qershorit 2021.
“Nuk dua të bëj tregti me askënd, sepse jam i lumtur këtu, në klubin më të mirë në botë, në një vend ku njerëzit më duan. Kjo është shumë dashuri. Kështu që unë nuk dua të largohem”,- tha Ancelotti, sipas burimit të cituar.
Gjithsesi, situata e Chelseat po ndërlikohet më shumë në Premierligë, duke qenë se kanë mbetur vetëm tetë ndeshje në sezon. Diferenca nga vendi i katërt, i fundit që siguron prezencën në Champions League është 17 pikë dhe vendet e fundit në kupat e Europës janë tetë pikë larg.
Në raundin tjetër, Chelsea do të përballet me Brighton në shtëpi. “Pulëbardha” është në një formë shumë të mirë, me pesë ndeshje radhazi pa humbje në kampionat.
Frank Lampard nuk është në “mandatin” e tij të parë në Stamford Bridge. Ai gjithashtu ka trajnuar Chelsean ndërmjet viteve 2019 dhe 2021, kohë gjatë së cilës ai grumbulloi 84 ndeshje në stolin e grupit të Londrës.
Discussion about this post