Edhe pse është vetëm në huazim, portieri i Realit të Madridit, Kepa Arrizabalaga duket se po bën të pamundurën për të mos u kthyer te skuadra e tij, Chelsea. Deklaratat e dhëna në konferencën për shtyp, të kombëtares spanjolle, vënë në dukje problematikat e skuadrës londineze.
“Synimi im është të qëndroj [me Real Madrid] për më shumë se një vit,” tha gardiani për mikrofonin e COPE.
“U deshën vetëm disa telefonata, sepse kur Real Madridi telefonon, është ndryshe. Ndjeva se projekti i Chelsea nuk ishte i duhuri.”
Pyetja mbetet nëse Real Madridi do të ketë nevojë për Kepan përtej këtij sezoni pasi të rikuperohet Thibaut Courtois.
Chelsea duket se ka lëvizur nga basku pas nënshkrimit të Robert Sanchez dhe Djordje Petrovic. Kontrata e Arrizabalaga skadon në më pak se dy vjet tani./Tribuna
Discussion about this post