Erling Håland është duke përjetuar sezonin më të mirë të karrierës teksa në duelin ndaj Fulham realizoi golin e 50 në këtë sezon dhe golin numër 34 në Premier League, duke u gjendur një gol larg rekordit absolut.
Norvegjezi i ka bërë të gjithë për vete në radhët e Manchester City dhe tashmë drejtuesit e kubit kanë nisur nga puna për të rinovuar kontratën e “vikingut”.
Në fakt, marrëveshja aktuale e sulmuesit skadon në vitin 2027, por ideja e drejtuesve të The Citizens është që në kontratën e re të mos ekzistojë asnjë klauzolë largimi.
Klube si Real Madrid, Paris Saint-Germain apo edhe Barcelona janë gjithnjë me “një sy” nga Håland dhe City kërkon t’i heqë çdo mundësi që i lehtëson rrugën klubeve të sipërpërmendura për të arritur te 22-vjeçari.
Për momentin, Håland ndjehet i rëndësishëm dhe i lumtur te City e synon të qëndrojë gjatë në Angli, ndaj tratativat për rinovimin e kontratës pritet të zgjasin pak me norvegjezin që është i gatshëm të firmosë./SSA
Discussion about this post