Historia e tenderave publikë në Shqipëri është kthyer në një katastrofë ekonomike për buxhetin e shtetit ku çudia e radhës vjen nga bashkia Selenicë pasi dy vëllezër me një kompani anonime e krijuar në vitin 2020 fitojnë një kontratë publike prej 180 mijë eurosh.
Tenderi me numër REF-24415-04-07-2022 për blerje nafte dhe benzine është hapur në 18 prill dhe nuk ka patur asnjë pjesëmarrës përveç kompanisë “VELLEZERIT KAPAJ OIL” shpk. Kompania e vëllezërve Kapaj është shpallur automatikisht fituese me ofertë sa 99% e fondit limit ose 214 milionë lekë të vjetra me TVSH.
Rezultati ka qënë pozitiv për kryetarët e bashkive sepse mjafton t’i shihni, sapo vijnë në pushtet trashen dhe zbardhen ndërkohë që nuk kemi rritje rrogash për policat, doktorat, mësuesit, grante për fermerët dhe rritjen e pensioneve për njerëz që i japin më shumë këtij vendi.
Kryetari i bashkisë Pëllumb Binaj ka publikuar projekte të mëdha te faqja e bashkisë ndërkohë kompania “Vëllezërit Kapaj Oil” është pa eksperiencë. Megjithatë ky fakt nuk e ka ndalur Pëllumb Binaj t’i përzgjedhë fitues edhe pse kanë shumë shkelje te dokumentat standarte.
Një nga kushtet e kontratës është që kompania të ketë realizuar një punë të ngjashme me vlerë jo më pak se 72 milionë lekë të vjetra pa TVSH. Te dokumentat e përpiluara nga bashkia Selenicë shpjegohet se ky kriter është bazuar në nenin 77 të ligjit nr. 162 i cili bazohet te ligji i Prokurimeve Publike por kompania nuk ka asnjë bilanc vjetor të deklaruar, as për vitin 2020.
Një kusht tjetër që të kualifikohet është shlyerja e taksave dhe tarifave vendore për pushtetin vendor për vitin 2020,2021 por kompania “Vëllezërit Kapaj Oil“ nuk ka deklaruar asnjë bilanc vjetor, as për vitin 2020 apo 2021 në Qendrën Kombëtare të Biznesit (QKB).
Gjithashtu kompania duhet të paraqesi vërtetim për xhiro vjetore për vitet 2019,2020,2021 ku për të paktën një nga vitet e periudhës së kërkuar xhiroja nuk duhet të jetë më pak se 72 milionë lekë të vjetra. Si mund ta plotësojë këtë kusht kompania kur ajo nuk ka asnjë vit të deklaruar apo punë të afishuar tek faqja e Open Data?
E veçanta është se bashkitë periferike janë ideale për tendera të tillë sepse qendrojnë jashtë vëmendjes mediatike, nuk kanë kërkesë llogarie sepse të rinjtë kanë ikur, ata që dinë diçka më shumë i punësojnë te bashkia ose u marrin ndonjë familjarë ose kushëri që të mos bëjnë pyetje për investimet në qytet.
Nga kërkimet e redaksisë te tenderat e bashkisë Selenicë rezultoi se 41 kontrata publike ishin me flamur të kuq. Për ata që nuk e kanë dëgjuar termin tendera me flamur të kuq janë procedura prokurimi të dyshuara për korrupsion dhe klientelizëm nga ana e institucionit prokurues (bashkia Selenicë) sipas Open Data Albania.
Nga viti 2016 e në vazhdim kjo bashki ka firmosur kontrata me vlerë 9 milionë euro dhe rreth 50% e këtyre parave rezultojnë me flamur të kuq duke na treguar rreziqet që vijnë nga bashkitë periferike.
Discussion about this post