Trajneri i Totenhamit, Antonio Konte ka theksuar gjatë prezantimit se do të ngrejë skuadrën në një tjetër nivel sikurse bëri me Interin dhe Juventusin.
“Për mua është një kënaqësi e madhe, një nder i madh të bëhem trajner i Tottenham. Mendoj se kjo është një mundësi e shkëlqyer për mua që të kthehem në Angli në një klub ku ka lojtarë shumë të mirë dhe, sigurisht, do të jetë kënaqësi të jem trajner i Tottenhamit. Klubi më dote shumë, dhe për mua është një nder të bëhem trajner i Tottenham. Dua ta shpërblej këtë besim që më është dhënë.
Po, është e vërtetë që kam pasur një telefonatë nga Tottenham në verë, por sapo isha ndarë nga Interi pas dy sezonesh shumë të rëndësishme dhe të vështira. Nuk ishte koha e duhur për të nisur një eksperiencë të re edhe pse Tottenham është një klub shumë i rëndësishëm në Angli dhe në botë. Doja që të kaloja pak kohë me familjen time. Në anën tjetër isha ende i lidhur me Interin. Doja pak pushim.
Kam ardhur një në klub që ka një stadium fantastik, terrene sportive të mrekullueshme dhe mendoj se është në krye në këtë aspekt. Do punojmë shumë që ta çojmë Tottenham në të njëjtin nivel me infrastrukturën”, tha Conte.
Discussion about this post