Antonio Conte pritet të rikthehet në Seria A. Për teknikun italian, rroga nuk ka rëndësi, por ajo që kërkon është adrenalina dhe sfidat që bota e futbollit të jep.
Napoli dhe Milani e duan, presidenti i të kaltërve De Laurentiis e vlerëson, ashtu si edhe dhe përfaqësuesi i Milan, Zlatan Ibrahimovic, raporton Sportmediaset.
Roma është disi më e tërhequr, pasi familja Friedkins nuk i ka vendosur ende për të ardhmen e Jose Mourinho. Aktualisht dueli është midis Napolit dhe Milanit.
De Laurentiis do të provojë në qershor, por s’do ta ketë të lehtë me Zlatan Ibrahimoviç.
Teknikun salentin e intrigon sfida Milan, por duhet bindur presidenti i kuqezinjve Gerry Cardinale që ka porositur zyrtarët e klubit të tregohen të kujdesshëm me shpenzimet.
Te Roma, ndryshe nga kuqezinjtë paga e trajnerit nuk është problem. Por verdhekuqtë përmbahen në merkato, nisur nga kufizimet nga Fair Play Financiar.
Por interesimi i tre klubeve të Serie A, tregon se Konte e ka si objektiv rikthimin në stol.
Discussion about this post