Kryetari i Partisë Demokratike, Sali Berisha, është pyetur nga gazetarët në lidhje me një letër të kompanisë lobuese amerikane Continental Strategy, drejtuar Departamentit Amerikan të Shtetit, ku fillimisht thuhej se Berisha ishte në pension dhe jashtë angazhimeve politike. Më pas, letra u korrigjua, duke sqaruar se ai është kryetar i PD-së, por pa funksione qeveritare.
Berisha zgjodhi të mos japë komente konkrete mbi këtë çështje, duke u distancuar nga përmbajtja dhe autorësia e letrës.
“Nuk kam përgjigje për asnjë prej tyre. Nuk jam zëdhënësi i kompanisë në fjalë. Ajo ka rregullat e veta të funksionimit, drejtojuni asaj. Shkruaji kompanisë që të të kthejë përgjigje,” u shpreh ai.
Pyetje: Pak ditë më parë është publikuar një letër e kompanisë lobuese që i drejtohej DASH që ju ishit në pension dhe duhet të hiqej non grata sepse nuk merreshit me politike. Pak ditë më vonë, letra u korrigjua duke i thënë që jeni kryetar i PD, por nuk keni poste qeveritare. E keni keqinformuar ju kompaninë amerikane që po lobon në DASH, apo informacioni i parë i saj në letrën drejtuar Rubios ka qenë me informacionet që ka mbledhur vetë?
Berisha: As për të parën as për të dytën, unë kam një përgjigje, nuk jam zëdhënësi i kompanisë në fjalë. Kompania ka rregullat e vetë të funksionimit, drejtojuni asaj. Shkruaji kompanisë që të të kthejë përgjigje. Rëndësi ka që ajo është transparente dhe jo mafioze.
Discussion about this post