Portieri i Real Madrid, Thibaut Courtois, synon të nisë projektin e tij të makinës garuese. Belgu do të krijojë ekipin e tij, të quajtur “TC Racing” dhe do të fillojë të garojë në Formula 4 të Spanjës vitin e ardhshëm, sipas gazetës spanjolle “AS”.
Courtois ka marrë ish-pilotin e Formula 1, Roberto Meri, si këshilltar për të vënë në jetë projektin e tij motorrik. Portieri gjigand është një adhurues i madh i sporteve motorike. Gjatë pandemisë Covid, Courtois mori pjesë në një Grand Prix virtuale, së bashku me pilotët e F1.
Courtois po bëhet gati të hyjë në botën e automobilizmit i emocionuar për formimin e një kategorie, objektivi kryesor i së cilës është trajnimi dhe zhvillimi i pilotëve të rinj. Formula 4 është një kampionat i krijuar nga FIA në 2014 për pilotët e rinj, për të hedhur hapin e parë nga karting drejt botës së njëvendësheve.
“F4 është një hap i njohur globalisht, por i përballueshëm midis kartingut dhe Kampionatit Evropian të FIA Formula 3 dhe i lejon pilotët të krahasojnë veten me talentet e rinj më të mirë, jo vetëm në vendin e tyre, por në kampionate në mbarë botën”,- thonë ata nga FIA.
Discussion about this post