Greqia ka shënuar një ulje të lehtë të shifrave të koronavirusit. Në 24 orët e fundit, u shënuan 4.345 raste të reja.
Fatkeqësisht, 63 qytetarë kanë humbur jetën ndërkohë që prej fillimit të pandemisë, janë regjistruar 19.799 viktima.
Aktualisht numri i të shtruarve në terapi intensive është 684, prej të cilëve 561 pacientë janë të pavaksinuar ose pjesërisht të vaksinuar. Sa i përket infektimeve, që prej fillimit të pandemisë COVID në Greqi janë regjistruar 1.031,239 të infektuar, prej të cilëve 50,5 për qind janë meshkuj.
Në 7 ditët e fundit sa i përket rasteve të konfirmuara 207 janë persona që kanë udhëtuar jashtë kurse 3,409 të tjerë janë raste kontakti. Nga bilanci i viktimave, 95.3% kishin sëmundje shoqëruese ose ishin mbi 70 vjeç.
Discussion about this post