Teksa në vend vazhdon situata e rëndë nga pandemia, pasi brenda 24 orëve u shënuan edhe 5 viktima, zyrtarët e ISHP thonë se nuk ka shpresa për arritjen e imunitetit të tufës.
Mutacionet e Covid po vendosin gjithnjë e më shumë në pikëpyetje imunitetin e tufës.
Drejtoresha e ISHP, Albana Fico thotë se tashmë fokusi duhet të jetë tek vaksinimi, për t’u mbrojtur nga rastet e rënda të sëmundjes dhe fatalitetet.
E pyetur nga Klan se nëse duhet të vaksinohen edhe fëmijët e grupmoshës 12-16 vjeç, Fico thotë se kjo çështje po diskutohet nga Komiteti i Vaksinimit.
Prej një muaji, Shqipëria po regjistron shifra të larta infektimesh me Covid për shkak të mutacionit Delta. Sipas autoriteteve, fokusi kryesor mbetet vaksinimi i popullsisë. Për specialistët, nëse vijohet me këto ritme vaksinimesh, deri në fund të dhjetorit Shqipëria pritet të ketë vaksinuar 70-80 % të popullsisë.
