Cristiano Ronaldo nuk do ta nisë si titullar sonte në ndeshjen e Portugalisë kundër Skocisë. Trajneri Martinez ka vendosur ta mbajë në stol yllin e luzitanëve, një gjë e diskutuar tejmase prej disa muajsh tashmë për rreshtimin që ai duhet të bëjë me kombëtaren portugeze.
Leao në të majtë, Neto në të djathtë dhe Diogo Jota në qendër janë zgjedhjet e teknikut Martinez, i cili kësaj here ka guxuar duke lënë CR7 në sulm.
Pas treshes së sulmit pozicionohet numri 6 i skuadrës, Palhinha, i transferuar në merkaton e verës te Bayern, i cili mbështet dyshen ofensive të mesfushës, Bruno Fernandes dhe Bernardo Silva.
Kombëtarja portugeze duket e shkëlqyer në letër. Yjet nuk i mungojnë. Tani të shohim nëse do të arrijë rezultat pa Ronaldon si titullar. Nëse ndodh, pozitat e CR7 në kombëtare do të vështirësohen. Mosha po ecën…
Discussion about this post