Ballkani ka arritur që të sigurojë fazën play-off të UEFA Europa Conference League, duke triumfuar edhe në takimin e dytë, përballë ekipit nga Gjibraltari, Lincoln Red Imps.
Djemtë e drejtuar nga Ilir Daja, fituan në Victoria Stadium me shifrat 2-1, duke konfirmuar formën e mirë si dhe dëshirën për të rishkruar historinë e futbollit Kosovar, duke arritur dy herë rresht, fazën play-off, të kompeticionin e tretë continental për klube.
Takimi i kthimit u zhbllokua relativisht vonë. Pas një pjese të parë, ku mbizotëroi pragmatizmi, në 45 minutat e dyta, u pa spektakli i vërtetë.
Në minutën e 48’, miqtë nga Suhareka zhbllokuan rezultatin me anë të Meriton Korenicës. Ky gol e çoi rezultatin e përgjithshëm në 3-0, duke e mbyllur praktikisht, çështjen e kualifikimit, megjithatë në futboll kurrë nuk duhet ulur vigjilenca.
Ballkani e ka mësuar këtë, duke shënuar edhe golin e dytë të takimit (të katërtin në global), në minutën e 64’, falë kapitenit Edvin Kuç.
Dy minuta më vonë, Lincoln, shkurtoi diferencat me anë të Juanpe. Goli i pësuar nuk trembi shumë Ballkanin, që deri në fund, administroi me qetësi avantazhin për më tepër duke realizuar dhe të tretin në shtesë, me anë të Zyba. Ballkani triumfon duke prerë kështu, biletën, për në fazën play-off.
Ky është një rekord edhe për trajnerin shqiptar, që bëhet tekniku i parë i Superligës Kosovare, që shkon dy herë në këtë raund të turneut./m.b /gijotina.com
Discussion about this post