Qeveria shqiptare ndodhet shume larg planifikimit për vaksinimin e popullsisë. Nga të dhënat e gjeneruara nga Open Data, rezulton se deri në 1 shtator në vendin tonë kanë mbërritur 1 921 957 vaksina nga 4.4 milion vaksina që janë planifikuar nga qeveria për vaksinimin me dy doza të popullsisë. Shifër që tregon se jemi ende shumë larg objektivit kryesor.
Gjithashtu shteti nuk po arrin të administrojë edhe sasitë që ka kontraktuar. Sipas kontratave që ka lidhur qeveria me prodhues, furnitor dhe kompani ndërmjetëse, rezulton se deri në muajin shtator 2021 janë kontraktuar 2.9 milion doza për të cilat shteti është angazhuar në Planin Shtetëror për Vaksinimin. Por deri më 4 shtator 2021, në Shqipëri kanë mbërritur 1’982’130 doza, shifër e publikuar nga vet kryeministri, Edi Rama.
Edhe pse qeveria po e propagandon si sukses fushatën e vaksinimit, statistikat tregojnë se ende jemi shumë mbrapa, si dhe vet qeveria nuk ka arritur të përmbush objektivat e saj./Gijotina.com
