Pas kryeministrit Edi Rama, fjalën e ka marrë Drejtoresha e agjencisë për Dialog dhe Bashkëqeverisje, Eridana Cano e cila ka treguar se si i janë përgjigjur qytetarët shqiptarë, 12 pyetjeve të Këshillimit Kombëtar.
Cano bëri bilancin duke thënë se 60% e qytetarëve e ka dhënë mendimin përmes postës, 23% përmes faqes online, ndërsa 17% të tjerë e kanë dhënë mendimin në tenda.
“Formulari është shpërndarë për të gjithë qytetarët, i falenderoj të gjithë ata që kanë dhënë mendimin e tyre. Është një proces që e kemi bërë me sukses, është punuar me 2 e 3 turne. Është një ushtrim që do të përsëritet në mënyrë vjetore. Siç keni në dijeni procesi është menaxhuar nga ne dhe shpërndarja e dokumenteve është shpërndarë nga Posta. 2% e pyetësorëve kanë qenë të pavlefshme. 60% e ka dhënë mendimin përmes postës, 23% përmes faqes online, ndërsa 17% të tjerë e kanë dhënë mendimin në tenda”, tha Cano.
Discussion about this post