Anëtari i Komisionit të Rithemelimit, Aldo Bumçi, ka folur sot për situatën në PD dhe “non-gratan” e Berishës. Gjatë një interviste televizive ai ka thënë se nuk ka asnjë fakt në letrën e shpalljes non -grata të Berishës, ndërsa u shpreh se me në krye Berishën, demokratët janë por amerikan
“Nuk mund të jetë amerikane shprehja “opozita është problemi”, kjo është diktatoriale. Diktaturat i duan opozitat të dobëta. Putin merret me opozitën, ka vrarë drejtuesit e saj. Ne jemi proamerikanë. Demokratët vijnë nga ato shtresa që dëgjonin VOA, që ishin të përndjekur. Pro amerikanizmi nuk varet nga diçka që ata nuk kanë arritur të bindin asnjë shqiptar”, tha ai
Bumçi shtoi se amerikanët duhet të respektojnë vendimin e qytetarëve të një vendi demokratik, në këtë rast të demokratëve, të cilët votuan për Berishën.
“Non grata, kemi një mal sa ai i Dajtit me vlerësime për Berishën dhe një letër pa asnjë fakt, pa asnjë gjë. Raportet amerikane për qeverinë Berisha dhe qeverinë Rama nuk mund të krahasohen. Demokratët e votuan Berishën, nuk u votua vetë. Nuk është Berisha çështja. Po kërkoj të respektojnë vendimin e qytetarëve të një vendi demokratik”, tha Bumçi. Ndërsa shtoi se tashmë PD nuk mendon për vendimet e nxituara, pro të gjithë janë në koordinim për ringritur partinë.
Discussion about this post