Ish-trajneri i Kombëtares Shqiptare, Gianni de Biasi, ka reaguar sot në lidhje me përplasjet e fundit në vend për Presidencën e Federatës Shqiptare të Futbollit. De Biasi tha se politika duhet të qëndrojë e distancuar nga sporti. Përmes një reagimi në rrjetet sociale, ai tregoi se e telefonoi menjëherë Armand Dukën pas sulmit me eksploziv që u bë në derën e banesës së tij.
“Gjithmonë kemi kaluar shumë mirë, me shumë miqësi, jam shumë i nderuar që kam qenë pjesë e atij sistemi. I kam dërguar një mesazh Presidentit Armand Duka pasi i vunë eksploziv, është diçka që nuk e besoj dot, është çmenduri, nuk e di si mund të ndodhë diçka e tillë Është bërë diçka ndaj një personi që unë besoj se ka bërë shumë për futbollin në Shqipëri. Askush në futbollin shqiptar nuk ka arritur aq shumë, në nivele të tilla që të jetë pjesë e bordit drejtues të UEFA-s. Kjo është e rëndësishme për të gjithë futbollin në Shqipëri,” tha De Biasi. Ai tha se Shqipëria duhet të marrë shembull nga vendet e tjera, ku politika nuk duhet të përfshihet në çështjet e sportit.
Discussion about this post