Partia Demokratike ka depozituar në KQZ dokumentacionin në lidhje me pjesëmarrjen në zgjedhjet e 6 marsit për kryetarët e rinj të gjashtë bashkive. Në dokument kërkohet regjistrimi i PD me kryetar Lulzim Bashën.
Ndërkohë Përfaqësuesi ligjor i PD-së, Marash Logu, në një intervistë për mediat, u shpreh se Lulzim Basha është zgjedhur kryetar i PD me mbi 80% të votave, ndërsa shtoi se është debat i mbyllur përsa i përket legjitimitetit të Kryetarit të PD.
Sipas tij, Kuvendi, KQZ dhe Gjykata e Tiranës ka njohur si legjitime PD me kryetar Bashën dhe jo Komisionin e Rithemelimit të krijuar në Kuvendin e 11 dhjetorit të thirrur nga Sali Berisha.
“Tre partitë kryesore kanë të drejtë të propozojnë anëtarët dhe sekretarët e KZAZ-ve, dhe kjo është një shkresë më vete që përmban propozimin që ka PD për 13 KZAZ ku do të zhvillohen zgjedhjet e pjesshme. Nga ana tjetër ne bëmë një kërkesë të dytë që është një kërkesë për regjistrim si subjekt zgjedhore për zgjedhjet e 6 marsit, ku kërkohet dhe një vërtetim lidhur me faktin se nëse partia e regjistruar dhe kë kryetar.
Kryetarit i PD është zgjedhur mbi 80% të votave në 13 qershor, në korrik është zgjedhur Këshilli Kombëtar, në gusht është zgjedhur dhe Kryesia. Muajin e fundit, Kuvendi, KQZ dhe Gjykata e Tiranës ka njohur legjitimitetin e organeve të PD dhe përkatësisht dhe kryetarin e saj PD. Ky është një debat i mbyllur përsa i përket legjitimitetit të kryetarit të PD. Ai u shpreh se legjitimitetin politik dhe juridik është bërë i qartë pasi edhe gjatë muajit të fundit pasi PD vazhdon aktivitetin normalisht” – shprehet Logu.
Discussion about this post