Përzgjedhja e kandidaturave për anëtar të Autoritetit për të Drejtën e Informimit mbi Dokumentet e ish Sigurimit të Shtetit ka përplasur sot në Komisionin për Çështjet Ligjore mazhorancën dhe opozitën, lidhur me atë se kush prej qeverive në pushtet ka bërë më shumë për shtresën e ish të përndjekurve.
Deputetët e PD-së në komision kanë kërkuar që kandidaturat të vijnë pikërisht nga kjo shtresë, që sipas tyre “janë të interesuar për tiu hapur dosjet dhe jo për t’i varrosur, siç do mazhoranca”.
Enkelejd Alibeaj: Atë pjesë të anëtarësisë së autoritetit të dosjes sipas traditës e kësaj radhe do duhet t’ja kishit lënë opozitës në dorë për ta përcaktuar, që puna e këtij autoriteti të jetë e padiskutueshme, nuk e keni bërë.
E kuptoj nxitimin e shpejtësinë me të cilin po veproni. Nuk më bën çudi. Do ishte e ndershme në funksion të mbështetjes që i jepet autoritetit të dosjeve për ta bërë këtë ndarje.
Do ishte e logjikshme e një lloj reflektimi për të mbështetur atë autoritet që të paktën që ajo pjesë që vjen nga të përndjekurit politikë të kishte ajo të drejtën për të përcaktuar përfaqësuesit e tyre në këtë autoritet. Viktimat e atij sistemi e kanë të drejtën morale e ligjore që të jenë ata të përcaktojnë përfaqësuesit e tyre në këtë institucion.
Nuk e keni bërë, ftesë e kam ju thashë mos bini pre e frymës që ju ka kapluar që për çdo gjë doni ta merrni, ta merrni, e keni forcën e kartonit e di dhe këtë. T’i japim të përndjekurve politikë atë që u takon së paku, jë kënaqësi shpirtërore të njohin kush kanë qenë persekutorët e tyre të djeshëm.
Drejtuesi i komisionit të Ligjeve, Eduard Ndreca: Gjithë ky proces që kërkuar sot ka kaluar sot shqyrtojmë kandidatët që kanë marrë mbështetje nga 28 deputetë, diskutimet politike duhet të ishin bërë, dhe ju e shikoni se ne kemi bërë më shumë se sa keni bërë ju për të përndjekurit. E kemi treguar me fakte mos i hyjmë më këtij debati se është bërë e stërbërë dhe ju e dini e vetë këtë.
Oerd Bylykbashi: Së paku e di që ju nuk do e bëni, mendoj që të gjitha kandidaturat duhet të vinin qartazi nga shtresa e atyre që u persekutuan, se do ishte respektim i vuajtjeve dhe nevojë therëse që ka sot shoqëria Shqiptare për tu ndarë nga një e shkuar kriminale, se jo të gjithë ishin kriminel.
Të gjithë dhe ai kryeministri duhet të ishte i tillë të përzgjidhte përtej interesit të tij politik dikë që vjen nga një shtresë që ka qëllimin për të nxjerrë, se ky nuk është autoriteti që duhet të varrosë dosjet, ky nuk mund të jetë autoriteti për mos informimin për dosjet e sigurimit se mekanizmi që do prodhoni ju është pikërisht ai, do vendosni mazhorancën që atje të mos ndodhë asgjë. E ju lutem mos e thoni prapë atë gjë që ju paskeni bërë më shumë.
Këtij parlamenti duhet t’i vijë turp që akoma nuk ka bërë atë që duhet të bëjë, qëllimi i këtij institucioni nuk është si të mbyllen dosjet por si të hapen deri në fund.
Ju lutem t’ja kursejmë dhe një herë atë fjalë që thatë pak më parë uroj të nuk do replikoni, por në këtë proces synimi jonë të jetë që maksimumi i kandidatëve që do miratohen të vijnë nga ajo shtresë që ta nxjerrin të vërtetën realisht e jo ta kycin dhe për një mandat tjetër deri sa askush mos të kujtohet më.
Discussion about this post