Ish-kryeministri Sali Berisha ka nisur fjalën e tij sot në Kuvend me një sërë kritikash ndaj qeverisë. Ndaj tij ka reaguar ministrja Olta Xhaçka, duke i thënë Berishë se të gjithë e kujtojnë atë si një shkuar e hidhur. Ndërsa ky i fundit nuk i ka ndalur replikat ndaj saj dhe akuzat ndaj qeverisë. Ai ka thënë se me ardhjen e saj Ministria e Mbrojtjes ka shënuar rekord historik për vjedhje dhe plaçkitje pronash në bregdet. Ai madje akuzon ministren se bënte propagandë gjatë tërmetit, duke thënë se po ndihmonte të pastrehët ndërsa në të vërtet qytetarët nuk kishin as se çfarë të hanin.
“Në historinë e Ministrisë së Mbrojtjes nuk ka pasur më plaçkitës pronash nga Shëngjini në Dhërmi se sa parafolësja. E vërteta është se, kush ka lexuar romanet e asaj kohë, e ka parasysh kanosjen, Olta nuk je larg asaj kategorie, matu dy herë se e nise me piramidat dhe e mbylle me plaçkitjet e pronave të ushtrisë dhe shumë gjëra të tuat e bashkëshortit tënd. Përsa i përket cinizmit njerëz, zonja e nderuar nuk lë mbrapa asnjë personazh të letërsisë botërore, gjatë tërmetit deklaronte se ka dërguar mijëra pako, duke harruar se ata që merrnin pako, s’kishin pako për të ngrënë”, tha Berisha. Ndërsa mbylli fjalën e tij duke e quajtur qeverinë Rama, shushunjë që iu pinë gjakun popullit.
Discussion about this post