Pasi përfundoi pa komisionerë në Vorë, Partia Demokratike ka publikuar një dokument, ku akuzon ish-kryeministrin Sali Berisha se ka bashkuar votat me kryeministrin Rama në zgjedhjet e sotme, kundër selisë blu.
Përmes një reagimi zyrtar, PD ka sulmuar ashpër deputetin Flamur Noka, dhe ish-deputetin Keltis Kruja që sipas tyre kanë trafikuar votat e demokratëve për llogari të djalit të Aqif Rakipit në zgjedhjet e 25 prillit.
“Individë që janë pasuruar në kurriz të PD, me votat e demokratëve kanë vijuar edhe sot të sulmojnë PD. E gjithë Vora e di se Flamur Noka ka trafikuar votat e demokratëve për llogari të djalit të Aqif Rakipit në zgjedhjet e 25 prillit. E gjithë Vora dhe Rrogozhina e di se Keltis Kruja ka punuar për Aqif Rakipin. Prandaj dhe sot u bënë bashkë kundër komisionerëve të PD. PD nuk mbetet peng i të korruptuarve, as kriminelëve me të cilët këta individë bëjnë pazare në kurriz të demokratëve”, shkruan PD.
Më herët, kreu i KQZ Ilirjan Celibashi tha se KZAZ nuk i ka pranuar komisionerët e PD-së në Vorë, pasi nuk ishin banues aty, duke hedhur poshtë deklaratën e PD se PS dhe Berisha janë bërë bashkë për të përjashtuar komisionerët e PD.
Discussion about this post