Demokratët Evropianë kanë reaguar për protestat e zhvilluara në Tiranë, duke shprehur shqetësim për mënyrën se si autoritetet po menaxhojnë situatën. Në reagimin e tyre, ata përmendin edhe incidentet e ndodhura gjatë hyrjes së deputetëve në Kuvend, ku policia shihet duke shoqëruar qytetarët.
Demokratët Evropianë theksojnë se protestat kanë hyrë në ditën e 101-të radhazi dhe se pamjet e fundit janë thellësisht shqetësuese. Sipas tyre, janë shtuar ndalimet dhe reagimi i policisë është dukur disproporcionalisht i ashpër. Ata ngrenë gjithashtu pikëpyetje për persona pa uniforma që janë parë duke ndërhyrë gjatë protestave, duke kërkuar të sqarohet nëse bëhet fjalë për punonjës policie apo persona që veprojnë jashtë një zinxhiri të qartë përgjegjësie.
Sipas tyre, Shqipëria, si një vend që synon anëtarësimin në Bashkimin Evropian, duhet të garantojë respektimin e shtetit të së drejtës, të mbrojë liritë themelore dhe të sigurojë të drejtën e qytetarëve për të protestuar, për të kundërshtuar dhe për të shprehur lirisht qëndrimet e tyre, jo ti dhunojë apo ushtrojë presion.
“Dje, ndërsa protestat në Tiranë hynë në ditën e tyre të 101-të radhazi, imazhet që na arritën u bënë thellësisht shqetësuese. Ndalimet u rritën, reagimi i policisë dukej në mënyrë disproporcionale i ashpër dhe njerëz pa uniforma të dukshme u panë duke ndërhyrë, duke ngritur pyetje serioze nëse ata ishin oficerë policie apo individë që vepronin jashtë çdo zinxhiri të qartë llogaridhënieje.
Kjo vjen pas bllokimit dhe kufizimit të llogarive të mediave sociale të lidhura me protestat javën e kaluar, një shqetësim i mëtejshëm për lirinë e shprehjes dhe aksesin në informacion. Nën udhëheqjen e Edi Ramës, Shqipëria po përballet me një provë serioze të standardeve të saj demokratike. Një vend që kërkon të anëtarësohet në Bashkimin Evropian duhet të forcojë sundimin e ligjit, të mbrojë liritë themelore dhe të garantojë të drejtën për të mos u pajtuar, për të protestuar dhe për të folur lirisht”, theksojnë Demokratët Evropianë.
Discussion about this post