Avokati i ish-ministrit të Brendshëm, Saimir Tahirit, Maks Haxhiaj i ftuar në emisioni “Opinion” foli për prapaskenat e vendimit të Apelit të GJKKO-së, ku Tahiri u dënua me 3 vite e 4 muaj burg. Ai tha se trupa gjykuese nuk ka dhënë një vendim me vullnetin e saj, ndaj çështjes së klientit të tij. Sipas tij, trupa gjykuese ka pasur ndërhyrje, por nuk tha se nga kush është bërë kjo ndërhyrje.
“Për mua ka ndodhur diçka në momentin që ata janë mbledhur në dhomën e këshillimit për të marr vendimin. Nuk jam profeti apo symadhi që të shoh se çfarë ndodhi” – tha Haxhiaj.
Pjesë nga intervista:
Blendi Fevziu: Ju nuk e prisnit këtë vendim?
Maks Haxhiaj: Absolutisht, maksimumi ne prisnim për një oportunitet vendimin e shkallës së parë. Por unë e kam të provuar. Ata që ndikuan i dolën së keqes përpara sepse e panë si do të ishte perspektiva e kësaj çështjeje në gjykatën e lartë.
Blendi Fevziu: Kush ka ndikuar?
Maks Haxhiaj: Unë sjell argumentet që ky trup gjykues nuk ka shprehur vullnetin që i takon.
Blendi Fevziu: Do të bëni rekurs?
Maks Haxhiaj: Absolutisht! Por gafa më e madhe është kjo: Kur bën ankim i pandehuri dhe nuk ka ankim të palës tjetër që është prokurori, gjykata nuk mund të rrëzojë vendimin e palës tjetër.
Discussion about this post