Qëndrim Januzi është dënuar me 17 vite burg pasi është shpallur fajtor për vrasjen e kryer në 2022
Vëllai i reperit Betim Januzi – ‘Buta’, akuzohet nga Prokuroria në Ferizaj për vrasjen e Gazmend Hysenit, të cilin dyshohet se e ka qëlluar me gjashtë plumba në Ferizaj në 28 maj të vitit 2022.
Kujtojmë se i akuzuari nuk e kishte mohuar vrasjen, por nuk ishte pajtuar me cilësimin juridik që i kishte bërë Prokuroria. I akuzuari Qëndrim Januzi ndodhet në paraburgim që nga ndodhja e ngjarjes, me kërkesë të Prokurorisë.
Sipas aktgjykimit të lexuar nga gjyqtari Habib Zeqiri, Januzit iu shqiptua një dënim unik prej 17 viteve burgim: 16 vite për vrasje të rëndë dhe një vit për armëmbajtje pa leje. Të njëjtit i është konfiskuar arma në mënyrë të përhershme.
Discussion about this post