Ditën e sotme Gjykata e Tiranës regjistroi ndryshimet statutore të Kuvendit të 11 Dhjetorit.
Deputetët mbështetës të Sali Berishës i janë drejtuar selisë së PD-së, ku mes tyre janë deputetët Belind Këlliçi, Flamur Noka, Edmond Spaho, Albana Vokshi, dhe Ivi Kaso.
Një pjesë e anëtarëve mbërritën në selinë blu dhe u futën në zyrat e kryetarit dhe sekretarit të përgjithshëm. Në seli ndodhen Enkelejd Alibeaj dhe Gazment Bardhi.
Ndërkohë, ish-kryeministri Sali Berisha dhe një pjesë e anëtarëve të “Rithemelimit” po vijojnë mbledhjen e nisur pak minuta më parë.
Sakaq, kryetari i komanduar i Partisë Demokratike, Enkelejd Alibeaj e cilësoi si skandaloz vendimin e sotëm të gjykatës dhe tha se do të ankimohet.
Discussion about this post