Deputeti i Partisë Demokratike, Dashnor Sula, ka komentuar sot në një studio televizive situatën brenda selisë blu. Ai nuk ka ngurruar të bëjë të qartë qëndrimin e tij se Enkelejd Alibeaj duhet të vazhdojë me postin si kryetar grupi, ndërkohë që “Rithemelimi” ka deklaruar se në shtator do të zgjidhet i riu. Sula u shpreh më tutje se, PD duhet të hapet dhe nëse nuk ndodh kjo, nuk vjen kurrë në pushtet.
“Unë jam i vendosur në këtë qasje. Zoti Alibeaj si kryetar grupi parlamentar duhet të vazhdojë. Kam thënë që ne duhet të vazhdojmë për bashkëpunim. Ai grup duhet të prodhojë një lider të re apo të ri. Po nuk u hap PD, nuk vjen në pushtet. Mbajeni mend këtë që po ju them”, deklaroi deputeti”, u shpreh ai.
Deputeti ka kërkuar gjithashtu që të mos neglizhohet çështja e “vulës” së PD që është në gjykatën e Apelit. Sula tha se gjykata duhet të japë një vendim dhe nuk ka arsye pse vonohet. “Mos e neglizhoni atë vendim gjykate. Kush ka interes që ia vendim të zvarritet? Është një vendim që kërkon vetëm gjysmë ore pune për tu gjykuar. Po ju garantoj që do bëj thirrje dhe gjithë kolegët e mi ti kërkoj që të jemi pranë gjykatës së Apelit në protestë, jo për thelbin por thjeshtë të merret një vendimi dhe të mos jenë të çekuilibruar demokratët”, tha ai, teksa shtoi se në zgjedhjet e ardhshme PD duhet të jetë e unifikuar me një kandidat dhe jo si në 6 mars
Discussion about this post