Hasan Bitmez, deputet i partisë Saadet në Turqi ka humbur ndjenjat, ndërsa po mbante një fjalim në Parlament, ku po kritikonte mbështetësit e Izraelit sa i përket luftës me Hamasin.
“Edhe nëse i shpëtoni mundimit të historisë, nuk do t’i shpëtoni dot zemërimit të Zotit”, tha ai.
Por më pas, deputeti u ndje keq dhe u shemb në tokë. Siç shihet edhe nga pamjet, ai godet pak kokën në shkallët e podiumit.
Kolegët e tij vrapuan drejt podiumit. Ndihma e parë iu dha nga deputetët të cilët me profesioni ishin mjekë.
Bitmez, më pas u dërgua për në spital për të marrë ndihmën e nevojshme. Mediat turke raportojnë se gjendja e tij shëndetësore vazhdon të mbetet e rëndë.
Discussion about this post