Një tjetër finale për Francën nën drejtimin e Didier Deschamps por këtë herë në Nations League.
“Gjelat” do të përballen në finale kundër Spanjës për të tentuar për herë të parë fitimin e këtij trofeu për Francën. Në prag të kësaj sfide, ka dalë në konferencë edhe trajneri francez për të folur mbi ndeshjen dhe mungesat që do të ketë për këtë sfidë.
“Unë kam idetë e mia dhe filozofinë time të lojës. Në sulm kemi tre lojtarë të rrezikshëm. Kundër një ekipi si Spanja nuk pres shumë hapësira. Nuk do të ndryshojmë shumë, por edhe pse Rabiot nuk do të jetë atje, ne do të kemi lojtarë të tjerë që mund ta zënë atë pozicion. Pogba do të ketë më shumë përgjegjësi defensive”.
“E dimë që ata janë të fortë, por ne mund t’i mposhtim ata. Kanë shumë cilësi si ekip, kanë lojtarë të shkëlqyeshëm në dispozicion. Ata mund të dalin lehtë nga presioni dhe dinë të përballojnë shumë mirë situata të vështira. Prandaj, ne duhet të përpiqemi të mos humbasim shumë energji. Megjithatë, nesër do të bëjmë gjithçka për të qenë në gjendje ta fitojmë këtë ndeshje,” mbylli komentin tekniku francez.
